حقائق حول مرض السيدا.

الموضوع:حقائق حول مرض السيدا.

حقائق حول مرض السيدا

لا شك انكم عارفين انه هاد الفيروس ولامنتاشر بزاف بزاف فالسنوات الاخيرة بحكم هاد العجب العجاب لي ولينا كانشوفو، و هاد الانحلال الاخلاقي ، و الظواهر االغرييبة العجيبة لي ولات ، تا حاجة ما ببقات طببيعية ولات بنت تنعس مع بنت ، دري مع دري ، و دري مع جقلة دلبنات ، و زيد و زيد من زعتر الكحل لي ولا تايتخلع و مايمكنش يكون ، داك بنادم لي تايدير هادشي سليم عقليا ، بحيث انه كاع العقدد النفسية لي عاشهم فصغرو ، تايأثرو علليه ، و تايخلووه يدير ششي حوايج خارجيين على الطبيعة ، و فهاد الحالة هاد ناس خاصهم يشوفو طبيب نفساني باش يولو اسوياء حيت راه مرضى نفسيين كايتسماو، و بسباب هاد التخربيق ظهرو عدنا بزاف دلامراض و بالاحرى ولاو تاينتاشرو بواحد الطريقة رهيبة و بسرعة، و لييوم جيت ندوي ليكم على فيروس السيدا، و بضبط شي حقائق مهمة خاصكم تعرفوها. اذا خليكم مع عشر حقائق حول فييروس السسيدا.

إشاعة: الى كان الفحص ايجابي يعني نتا مصاب بالسيدا؟

فيروس HiV هو فيروس نقص المناعة المكتسبة، و هو لي تيسبب فمرض سييدا او الايدز ، كيفاش ؟ دب راه تقدر. تكوون حامل للفيروس ولكن مامريضش بلايدز و هادشي طبعا الى كشفتي مبكرا و تبعتي دوا ديالك، و امتا تانقولو بلي راك مرييض بسيدا ملي النظام المناعي ديالك تايتهلك ، وبالضبط واحد النوع ديال الخلايا المناعية T4 هوما القايد لي تايعطي لاوامر للباقي الخلايا المناعية، و HiV تايدمرهم و بالتالي مشات المناعة يعني اي جرثومة دخلات للجسم ديالك غاديير فيك حالة و اخا تكون بسيطة ، ييعني اي مرضضة. جاتك واخا يكون غي فييروس الزكام غايقتللك.

اشاعة: خاصك تببعد كليا على الشخص لي فيه الفيروس؟

مايمكنش نهائيا انك تصاب بالفيروس الى عنقتي الشخص المصاب او شربتي من كاسو او كلليتي من طبسيلو او حتى لبستي حوايجو او شاركتو نفس الفوطة. فيروس متايعيش ففلهواء ابدا لابد من ششوي دم باش ينتقل ، فحال مثلا ليباري او شي مكينة لحسانة او حتى الى وشممتي شي وشمة بننفسس المكينة لي وشم ببيها واحد اخر.

اشاعة: الى فيك السيدا دغيا غاتموت؟؟

فالحقيقة بواسطة الادوية لي كاينة دب ولي تااتساعد المناعة و تقويها شي شويا فالانسان المصاب يقدر يعيش لي عقود و عقود من الزمن فحال. الشخص العادي غي هو تايكون دغيا تامرض خاصو. يتهلا فراسو مزيان و النقى و الرياضة ديما.

اشاعة: الى مريض باالسيددا راه باين؟

خاصكم تعرفو بلي المصاب بالفيروس تايدوز من تلات مراحل المرحلة لولة هي مرحلة الاصابة و لي الاعراض ديالها تايبانو عادين كاعما تشك واش السيدا هاديك ، لي هوما السخانة، تتورم الغدد اللمفاوية ، والتهاب الحلق والطفح الجلدي وآلام العضلات. عادة ما تختفي بعد بضعة أسابيع لي غالبا تاتكون من بعد الاصابة بالفيروس بشي عشر ايام. من بعدها تاتججي المرحلة التانية لي هي مرحلة السكون و هنايا ماكاين لا اععراض لا والو كلشي هو هداك عنك تاتحس براسك عادي و نتا راه الحااج HiV تايلعب البوليسس و الشفارة مع T4 هههه. و هاد المرحلة تاتوصل تال عشر سنوات. اوا المرحلة النهائية هي منين صف مشاو T4 تهلكو ، هنا تاييبداو يبانو الامراض الانتهاازية يعني تايستاغلو الفرصة ان النظام المناعي مشى و تههلك او فههاد المرحلة الى جاك غي رواح غاتموت.

اشاعة: يوجد علاج للفيروس؟

لحد الان كاع العالم و المختبرات دياال الدنيا خدامة باش تلقى دواء لهاد الموصيبة لكن مزال ما لقوا, االادوية لي كاينة دب يا ايما تاتمنعو باش ماايزيد يتقسم ، او تاتقوي المناعة من خلال تدعيم الخلايا المناعية ، و من هنا كانستانتجو الى كتاشفتي لمرض بكري فيمكن ليك. تعايش معاه و تبع العلاج ديالك و ان شاء الله مايكون ععندك باس.

حقيقة: كل البشر بدون استثناء عرضة للاصابة بالمرض.

اي واحد كبير ولا صغير ، امراة او رجل، ببدون استثناء يقدر اتصاب الى دخل ليه الفيروس لللجسم دديالو ماكاينش شي حد عندو مناعة ضدو. و تم ملاحظة واحد البلان غريب فواحد الدراسة دارت فامريكة بلي دوك المثليين جنسسسيا لي تايمارسو الجنس مثلا رجل مع رجل او مراة مع مراة اكترهم اصابة بهاد الفيروس و شكون عرف كاع يقدر يكون هاد الفيروس كان غي عادي. و بفعل هاد الظواهر المعفوونة كتاسب دوك الخصائصص؟ و افريقية و امريكا هم اكتر الاماكن لي فيهم نسسبة الاصابة كبيرة بزاف.

اشاعة: ممارسة الجنس بين شريكين مصابين آمن؟

حنا يله قلنا بان الفيروس تايقضي ليك على المناعة ديالك يعني الى مارستي الجنس مع شخص مريض واخخا نتوما بزوج مراض غادي تنقاو لبعضكم شي زعتر اخر ، و بما انه المناعة مهلوكة فغادي يصفيها ليكم بزوج.

حقيقة: يمككن ليك تولدي طفل مامريضش.

هو المراة المصابة غادي تنقل لولدها الفيروس لا محالة، لكن باتباع واحد العلاج معين ، تحت مراقبة الطبيب ، يمكن نحميو الطفل من انه يتصاب حتى هو بالمرض.

حقيقة: هناك العديد من الاطراف التي تساعد مرضى السيدا.

كاينين بزاف ديال الجمعيات الحكومية و حتى العالمية لي تاتساعد بزاف ناس لي مصابين بالمرض ، بالادوية و الدعم النفسي و حتى التحسيس ، يمكن للشخص. المصاب يدير بحث صغير فالانترنت على هاد الجمعيات و يتواصل معاهم و هوما غادي يساعدوه.

كلمة ختامية:

صراحة هاد الموضوع تايضرني فخاطري. بزاف حيت وصلنا لواحد. الانحطاط و خرجنا على الطبيعة و بالتالي فولاو تايبانو عدنا شي امراض عمر كانو ، و هدا كولو تحت ما يسمى بالتفتح ، اشمن تفتح علاش داوين راه هادو. امراض نفسية المريض بيها خصنا ندوه يتعالج ، غي لي قرا شي كتاب ديال شي واحد مريض نفسي تايجي ييبغي يطبع و تاينسى العلم اش تايقول ، قسما بالله في خلال مسيرتيي العلمية لم اصادف ، حقيقة علمية تنافي تعالييمنا الاسلامية ، اي حاجة ممحرمة و ممنوعة او حتى. مكروهة يصادق عليها الكفار بعلمهم ههه، تبا لكل ملحد لم يدرس البيولوجيا و غي جا و تطفل على الالحاد ، غانقوليكم غي حاجة وحدة بينما هدانا الله ان شاء الله عليكم بحماية انفسكم على الاقل و تجنبو العلاقات المتعدد و الغير طبيعية ، او تقليد الافلام الجنسية ، فدلك مجرد مرض نفسي خاص ماليه ييتعالجو، جنس فموي جنس انفي جنس عينوي .... اش هاد الزمر ، يا ربي تدينا فضو و يهدينا ليما يحبه و يرضاه. و حاجة اخرى هاد الفقرة الاخيرة دديالي تانكتب فيها غي رأيي الشخصي ، بلاما تقرس بغيتي لعلم طلع لفوق. نتمنى تكونو استافدتو شباب ماتننساوش المشاركة مع الاصدقاء باش نقصو شويا الشائعات و الخزعبلات و نخلو مجتمع مثقف و علمي.