العلم وراء الاسنان و تبيضها و الحفاظ عليها

الموضوع: العلم وراء الاسنان و تبيضها و الحفاظ عليها.

لا شك انكم كاملين بغيتو تحصلو على ابتسامة جميلة و انيقة فحال الممثلين كيما تايسموها الابتسامة الهوليودية ليوم ان شاء الله غادي نتعرفو على اسرار الاسنان؟ و مناش تايتشكلو ؟ و كيفاش تايتسوسو ؟ و اشناهيا اصلا السوسة ؟ و كيفاش نحافظو على سنيناتنا و نبيضوهم قدر المستطاع ؟؟.

العلم وراء الاسنان و تبيضها و الحفاظ عليها

اشناهوما الاسنان و مناش تايتكونو؟؟

الاسنان ديال متشكلين من تلات طبقات اساسية طبقة خارجية سيمتها المينا مكونة من واحد المادة سميتها هيدروكسيباتيت hydroxyapatite و هاد المادة بلورية يعني وحدة حدا وحدة مغاتعمرش لفاراغ مزيان فحال شي بونج فيه تقابي صغار هكا دايرة المينا، و كاينة الطبقة لي تحت منها هي طبقة العاج dentine، و الطبقة الدخلانيا لي هي لب السني متشكلة من لحيمات و العروق الدموية.

كيفاش تايتسوسو الاسنان ؟

الفم ديالنا فحالو فحال باقي الاجزاء فجسمنا مليئء بالبكتيريا لي تاتحماق على النشويات او السكريات و الى ماتغسلش الفم من بعد عشرين دقيقة تاتكون واحد الطبقة متشكلة من البكتيريا و النشويات و اللعاب فوق الاسنان و تاتحول البكتيريا دوك النشويا الى احماض و دوك الاحماض تايهاجمو المينة ديال السن و تاتبدا تآكل شيئا فشيئا و هدا يحدث ثقوب على مستوى السن و بالتالي الباكتيريا و الاحماض تاتوصل لطبقة العاج و هاد الطبقة حساسة بزاف و ضعيفة و تاتعفن دغيا و داك التعفن هو لي تانشوفوه حنا على شكل سواد . السوسة مكاتحبسش هنايا بحيث انها تاتوصل حتال لب سني و كيما قلت ليكم هاد الاخير فيها العروق الدموية و الالياف الحسية و بالتالي تايتم التهيج و الالم ديال ديك المنطقة لي تسوسات و وصلات فيها السوسة اللب السني.

كيفاش نحافظ على الاسنان ديالي؟

اولا ضروري تحك سنانك يوميا قبل ما تنعس. و تشلل فمك من بعد كل وجبة هادشي الى كنتي معكاز هههه و واحد الحاجة مهمة بزاف ضروري دير الخيط للفم ديالك ماشي غي دير شيتة لفمك و صف حيت بين فراغات الاسنان تايتجمعو الاغدية و بالتالي تاتشكل السوسة تم يعني اتحاول تشد شي خويط ريق و صحيح شويا و تحاول تحيد بقايا الطعام بين سنان. اه و غي بشوية الى تعكس ليك الخيط فلول ماتخدمش جهالة غي بلعقل تايدخل و ماتقيسش لحيمات لي بين الاسنان بالجهد.

امم كيفاش نبيض سناني؟؟

هنايا كاينين جوج طرق الطريقة اللولة هي انك تمشي عند الطبيب يدير ليك التبييض و هنا تايستاعملو زوج طرق سوا تايكرط ليك طبقة مهمة من المينة و تاتولي عند ارق و ارفع من لول و اكتر حساسية ولا تايستعملو واحد جوج مواد لي هوما كارب اميد بيروكسيد carbamide peroxyde و الهيدروكين بيروكسيد hydrogen peroxide و هادا تبييض فعال منين قلبت لقيت هادو لي تايكونو فماعجن الاسنان ديال التبيض و باركيز ضعيف بزاف و الطبيب تايستعمل تركيز اقوى شويا لهدا كاتحصل على تبييض فوري و سريع ماعرفت واش نقدرو نلقاوهم فلفرماشيان ولا لا المهم انقلب عليهم هههه..

الطريقة التانية انك تبع الطرق لي غانقوليك و لي تانستعمل شخصيا.

الحامض: المادة الفعالة اسيد سيتريك acide citrique هدا حمض مزيان الاسنان حك بيه سنيناتك بشوية شي زوج دقايق و حاول ماتقيسش لحم حيت غاتكون شيتة ناشفة.

الخل: اسيد اسيتيك acide acétique نفس الشيء فحالو فحال الحامض.

هادي غاتجيك غريبة شويا ولكن نقطة ديال جافيل فمعلقة ديال الماء و حك بيه سنانك حيت فيه واحد المادة سميتها الفلوريد و تاتساعد طبقة المينا على التماسك و تاتحافظ عليهااجي لهنا بلاتي ماشي جافيل تلعبار داك اتشي الى كاتعرفوه لي فقرعة بيضة المهم هداك حيت لاخر ماتعرف اش كايديرو فيه هههه .

بيكاربونات الصوديوم: و تيق بيا الى قلت ليك بالنسبة ليا هاد هي و الماء تجافيل افضل زوج مواد لتبيض لاسنان بالنسبة ليا و بالتجريب عليا و على بزاف ديال الاصدقاء ديالي.

هادو كاملين تايقتلو الميكروبات ديال الفم و تايحطمو الاغدية (البروتينات الكربوهيدرات او السكريات او النشويات و كدلك الدهون) خيت الحمض تايكسر كاع الانواع دلاكل كيفما كانت.

اشنو العلاج ديال تسوس الاسنان؟

منين تبان ليك سوسة دغيا سير حكها و عمرها عند طبيب بلا ماتخلي الاوضاع تتفاقم و الى كانت يله بدات كاتبان عليك بداك الماء تجافيل لي قلت ليك ولا قلب على الفلوريد بودرا و خلطو مع الماء و حك بيه و شلل بيه فمك وبلاما مايجي شي واحد يقولي ولكن جفيل خطر على الصحة حيت راك تاتشربو يوميا فلماء تاع روبيني هو باش تاينقيوه من البكتيريا المهم راه الفلوريد مزيان بزاف لتشوس الاسنان.

شنو السباب ديال تسوس الاسنان؟

غالبيتكم ايسحاب ليه بلي لي كايتسوسو سنانو ماتاينقيش فمو انقوليك حيت واخا تاتنقي سنانك ولكن عزيز عليك الحلاوا و الحلويات و المشروبات الغازية و السكر فانت معرض انك تصاب بتسوس الاسنان اودي السكر راه اخطر سم على وجه الارض خصني ليه موضوع بوحدو. المهم ضروري خصكم تنظفو سنانكم ا الشباب و بشكل يومي حيت اسيدي اتخرج على اللثة ديالك و يطيحو ليك سنينات ههه.

كيفاش اللثة كاتمرض ؟؟

دب ا سيدي منين متاتغسلش سنانك و تنظفهم البكتيريا منين تاتلقى . السكريات تاتحمي راسها بواحد الطبقة ديال الجير او الكالكير شويا بشويا حيت تايبدا فداك البلاصة فين مغروس السن اوا مني الجسم ديالك تايحس بشي حاجة غريبة فديك المنطقة المناعة كاتبدا التحرك و تاتجي لديك المنطقة لي فيها المشكل و تايبداو الخلايا المناعاتية خدامين باش يتغلبو على دوك البكتيريا لي تجمعو ليها تم اوا يا سيدي تايوقع الانتفاخ و الاحمرار و الالم فديك المنطقة . يعني منين تشوف شي سن تنفخ فيه لحم لي فوقو عرف بلي راه عندك مشكل تم ما نقيش سير استعمل الفلوريد اولا واحد من الطرق لي قلنا سينون سير عند طبيب ماتهملش راسك يا اخي و يا اختي في الله ههه.

كلمة ختامية :

الصحة تاج فوق رؤوس الاصحاء شباب راه نهار تخطاك الصحة ايخطاك كلشي نتوما تاتعرفو الى غي ضراتك الظرسة راه متاتقد دير والو حنا بغينا جيل مثقف مديها فراسو و فمظهرو و فعقليتو باش يزيد لقدام و يحقق احلامو ، مجاتش نتا تكون غادي خدام داير بروكرام ديالك فللحياة و مامديهاش فراسك تجيك غي حاجة بسيطة تلهيك على كلشي , شوف بغيتي تكون مزيان و بصحة جيدة كاينين جوج نقط الرياضة و النظافة الى خطاوك راك مشيتي خلا.نتمنى الموضوع يكون نال اعجابكم و الى فرصة اخرى فموضوع اخر يا شعب اخبرني احبكم.